شجالك ياعرااااااااااااااااق

شجالك ياعراق

شجالك ياعراق اشبيك فحطان.. معقوله فلا ترتاح لحظات

ابهلاهل جوارينك هزو الكون.. ومنك ما سمعنه غير صرخات

يمر العيد بيك اوجنه مو عيد......حتى ايامه لو مرن كئيبات

شجاك اشبيك يابهجة الايام..يل املاكي الاحزان اباحلى بسمات

شمسك حتى شمسك فاكدة النور..وصباحاتك صفن كلهن مظلمات

وحياطينك اختلفت علحياطين..ترستهه الاحزاب ابهل شعارات

وبساتينك مشت عنهه العصافير..ابلا تغريد بس نسمع الطلقات

ودجله شحت ابميهه على الناس..وخابط ميه مدري اشبيه ال افرات

وشعبك داخ شعبك عاش بلخوف..لوعه باثر لوعه وشبع لوعات

وياشعب المثل شعبك يل اعراك..شاف الظيم ضل يتحسد المات

راحو ال اميه وكلت ترتاح.............بني العباس اجو راووك ويلات

غشوك ابسوالفهم وغدرووك...تتمنى خلوك الظيمك ااااااالفات

شعبك نفط عنده كثر الانهار..وتنكته بايده واكف سرى ساعات

ابو النهرين انت وشعبك اشلون..يغسل وجهه بمرادف الدمعات

انته الجنت اتامن اليخافون..شجاك اتركت شعبك خايف ايبات

كوم اوكف على كسرك ولا اتطيح..بس اتطيح يتشمتون شمات

لتخليهم ايشوفوك مهموم....ابجف عباس روح امسح الدمعات

وضل ابتسم وانت ابوسط الاحزان..كلنه فدوه الك كونك سلامات

كالو طاح كت ميطيح عملاق.......جذبت اليكول وصحت هيهات

كلهه اتطيح وانت اتلاوي الظيم..يعراك ااااااااالامل يابو الحضارات

يالله انتفض كوم وزيح الغبار..وج كانونهن بردن ااااااااااااااااالدلات

وارجع مثل الاول واشبع الجاع....يا بيرغ عشاير يبو الهوسات

وكل خائن اشمره بره الحدود..خلي الصافي عدنه وطيب الذات

وكل دجال منهم لو تلاكيه.........خل ولدك يقذفوه بالمداسات

وبالك ترد بينه الذيج الايام..ولكل من ااااااااااااااغم ناخذ تحيات

ولتضيع الحقيقه وشعبك ايضيع..يمشي امغمض امصدك الدعايات

عسى الرادوك توكع ما يعيشون..ابدولهم كون ما ترتفع رايات

وعين الصابتك يعراك ياريت....ابفالة تنصاب ام سبع شاخات

ابو الاحرار انت الهسه الاحرار.....نزفو دم الك والغيرة بالذات

ضلو ناطقين ابوجه الاخطار...لجل عينك تهون اهواي مئسات

عراق احسين انت اولا متنظام..بعده حسين عايش بيك ما مات

بعده حسين عايش بيك ما مات

عاشت الايادي