اكبر موسوعة دارمي

اخواني الأحبه

أحببت اليوم ان نكون أكبر موسوعة دارمي
وكما نعلم الدارمي من انواع الشعر الجميل جداً
وذو استخدامات متعدده

يستخدم بألقائه في كل المجالس الشعريه
يستخدم كأمثله لاحتوائه على معنا كبير رغم صغر حجمه

وأيضاً يستخدم في الرسائل القصيرة

فلهذا السبب احببت ان نكونه
كي تصبح هذه الصفحه هيه المرجع لكل من يريد بيت دارمي

لكي تكون الصفحه جميله وسهله القرائه
سنضع نقاط لادراجه لكي يكون منضم

استخدام الخط رقم 3
تحت الدارمي مباشرتاً بالخط الصغير يتم ادراج اسم الشاعر ان كان العضو نفسه
او شاعر اخر او كلمة منقول

واستخدام اللون على أذواقكم
كي لا يكون الموضوع ممل

وانا سوف أعمل على أقتباس الدارمي الذي تدرجوه
واضعه في هذه ضمن الموضوع بالترتيب

الدارمي يجب ان يدرج هنا داخل هذا الموضوع
لا يتم أعتماد اي دارمي يدرج خارج هذه الصفحه
ولا يعتمد اي دارمي لا تذكر عائدته

في حين وصل عدد الدارميات المدرجه 100
يتم تثبيت الموضوع على طول
ونفتح موضوع اخر لموسوعة الابوذيات

اتمنى ان الموضوع نال رضاكم
فل نرى أي عضو سوف يدرج أول دارمي

تحياتي لجميع

دارمي رقم واحد (1 )
مولازم انت تروح وعميه عيني
بالنجف يعني تموت لازم تجيني
الشاعر / محمد
2

بعدك تريد الروح لو ماتفيدك

مو جنت اني وياك محبس بأيدك
محمد العلواني
3

جاوبني تدري الوقت بوقاته سكتــاوي

موش أنته نبعة عشق بالحسن متغـاوي

مدري شجاني الليله حنـيت
واتقلب أعلى النار فريــت

خـل روحـــك إبعِـز دوم بالك تذلها

ولا تطلب الحاجــات إلاٌ من أهلهــا

غصبن عليـه الروح آنـه الأذلهـا
محتاج والحاجات ماهـمـه أهلهـا

أنوح أولاهلي يدرون بيه
تموت الروح والعله خفيه

بسك ولك يالبين دقاتك أويـــاي
أدقني وسط الضيق وتشمت اعداي

الاخو وقت الضيج ماينكر أخـته
أوحان الوقت هاليوم ياخويا وقته

لاتسأل إعله الحال خلـيها سكته

تسأل على المكتول والكاتل إنته

شحجي وتريد الناس من عندي أحجي

دمعتي إبطرف العين بس أحجي أبجي

أقبل صباح اليوم ابدنيتي هـــاي
شلت الردا أوفزيت لن عيني بهواي

لانفع نصحي أوياك لانفع لــــومي
أنا ادري مامحضوض راح ابقى دومي

جميع ماادرج بالاحمر لشاعر عريان السيد الخلف

انهجم بيت العين اشكد وكيحـــه

كل ما تشوف حليو تكلي صيحه
*
ياماخذين الولف اوليفي وريد أويـاه
مانام لليل الشتى أومقدر على فرقاه
*
حـط باللبن تيــزاب مجبـور أشربـه
بس لا أشوفك يوم تمشي وي غربـــه
*
علمني عالنسيان ارد انسى ضيمـــــك
وي غيري قمره اتصير بس حصتي ضيمك

روحي بسره عللموت كضة سراهه

شامت كبله انشال ونحط وراه

ايهاب المالكي

ملح المروه انريد ما نقبل ملح يود

ملح الكلاه عباس من ذب الزنود
ايهاب المالكي
اسمر طويل هواي وبعينه ردة
ما بي جزر ممشاه كل مشيه مدة
قاسم الجيزاني

هلكد حلاه حط بيك سبحانة قدوس
انت اليبوسك المفروض يتوضة ويبوس

هلكد حلاه حط بيك جلت قدرته
حتة اليصلي الليل داخ وسطرتة

هلكد حلاه حط بيك سبحانه قادر
بس ابحلك موضوع تترس دفاتر

تسطر حلاة البيك جفينه شرك
خليت العمى ايشوف من فلك طرك

المرحوم عبد الحسين الحلفي

شحجي وتريد الناس من عندي أحجـي

دمعتي إبطرف العين بس أحجي أبجـي